Ты 24

Ты знаходзіш кнігу.
Ці ўсё ж кніга знаходзіць цябе? Вось пытанне. З іншага боку, якая розніца. Галоўнае - вы сустрэліся. Пасля і праз дзясяткі/сотні іншых кніг, выпадковасцяў і несупадзенняў. Цяпер вы апынуліся разам. Гэта здаецца самай вялікай узнагародай і каштоўнасцю. Сярод усяго іншага здабыць Тое Самае. Чаму менавіта зараз? Мусіць, так было трэба, наканавана. Вочы нарэшце расплюшчыліся. Ты і кніга. Ты і чалавек.

"Скрозь рызыку і ўразлівасць новай блізкасці, праз боль і задавальненне паўтарэння праступае гісторыя аб магчымасці і немагчымасці чалавечай сустрэчы".

Балюча. Шчыра кажучы, месцамі вельмі балюча. Адчуваць, чытаючы, ачуваць, перажыўшы нешта падобнае.
Лічыцца, што кожны чалавек унікальны. Як і яго жыццёвы досвед. Як і яго адчуванні. І ўсё ж, як аказалася так, што недзе там ёсць…