Сава Дым і яго палюбоўніцы

— А што для гэтай самай духоўнасці трэба?.. — Для духоўнасці?Ды хоць бы для пачатку дастаткова мець пачуццё абавязку і любові да свайго народа.

Яго дзед усё жыццё працаваў на зямлі. Бацька гэтага рабіць не захацеў: стаў гандляваць у магазіне. А сам Сава Дым адпраўляецца ў горад, каб шукаць яшчэ лягчэйшых шляхоў да бязбеднага жыцця. Кінастудыя, рэстаран, Дом вясельных абрадаў — у гэтых і іншых месцах, як высветлілася, чалавек без асаблівых талентаў і адукацыі можа мець неблагія грошы. Ужо ў першы год прыезду ў сталіцу Сава заводзіць сабе сябровак, з якімі потым сустракаецца на працягу многіх гадоў. Жанчыны легкадумных паводзін патрэбны для розных мэт: прыемна правесці час, пазычыць грошы, зрабіць "інтымны падарунак" патрэбнаму чалавеку. Чамусьці, усе яны ахвотна служаць свайму ненадзейнаму…