Лучшие книги Ігара Сідарука

Кніга аповедаў Кобрынскага пісьменніка Ігара Сідарука “Квадратная варона” уяўляе сабой зборнік прозы, складзены з твораў, напісаных у розныя часы. Навэлы, апавяданні, фантасмагорыйкі, аповеды-фантомы – вось пералік жанраў, выкарыстаных аўтарам. Чытаючы паасобныя творы зборніка мімаволі дашукваешся сувязі паміж героямі, іх лёсамі, аналогіі ў здарэннях. Кожны твор – самастойная завершаная форма, аднак ва ўсіх прасочваецца супольная рыса – фантасмагарычна-незразумела-незямное прыцягальна-адштурхоўваючае. Нешта такое, што захапляе, уцягвае і адначасова адштурхоўвае, знеахвочвае. Героі асобных твораў трапляюць у вельмі смешныя, складаныя і адначасова прымітыўныя сітуацыі, якія ніколі б не здарыліся, калі б героі мелі іншы характар, іншае выхаванне, іншыя адносіны да жыцця, да свету. Часам складаецца ўражанне, што аўтар пастараўся адкрыць свет дна, дзе людзі, страціўшы гонар і годнасць, пробуюць не жыць, а існаваць, жывучы ў сваёй скарлупе, сваім панцыры. Аднак ў кожным з панцыраў відавочна душа, некалі ранімая, а зараз счарствелая і спрымітызаваная, але тым не менш прысутная.

Ігар Сідарук - пасьля працяглага перапынку вяртаецца да паэзіі. Ён аўтар зборнікаў вершаў - "Чарнабел" (1991), "Саната Арганата" (1994), "Моўкнасьць" (1997). Новы яго зборнік істотна адрозьніваецца ад ранейшых. Ён прасякнуты лірызмам і кранальнай пачуцьцёвасьцю.

Аўтар нарадзіўся ў 1964 годзе ў г. Кобрыне Брэсцкай вобласці. У 1986 годзе скончыў філалагічны факультэт Белдзяржуніверсітэта, працаваў настаўнікам на Салігоршчыне, потым карэспандэнтам у газетах "Кобрынскі веснік", "Брестский курьер". З 1993 г. - загадчык літаратурна-драматургічнай часткі Брэсцкага тэатра лялек. Літаратурную дзейнасць распачаў з сярэдзіны 1980-х гадоў. І. Сідарук - аўтар паэтычных кніжак "Чарнабел" (1991, Кобрын), "Саната Арганата" (1993, Полацк), "Моўкнасць" (1997, Брэст), кнігі прозы "Квадратная варона" (2000, Полацк-Гродна-Кобрын), а таксама выдання для дзяцей "Павучальныя гісторыі дзядзечкі Ігара Сідарука" (1994, Брэст).

Аўтар нарадзіўся ў 1964 годзе ў г. Кобрыне Брэсцкай вобласці. У 1986 годзе скончыў філалагічны факультэт Белдзяржуніверсітэта, працаваў настаўнікам на Салігоршчыне, потым карэспандэнтам у газетах "Кобрынскі веснік", "Брестский курьер". З 1993 г. - загадчык літаратурна-драматургічнай часткі Брэсцкага тэатра лялек. Літаратурную дзейнасць распачаў з сярэдзіны 1980-х гадоў. І. Сідарук - аўтар паэтычных кніжак "Чарнабел" (1991, Кобрын), "Саната Арганата" (1993, Полацк), "Моўкнасць" (1997, Брэст), кнігі прозы "Квадратная варона" (2000, Полацк-Гродна-Кобрын), а таксама выдання для дзяцей "Павучальныя гісторыі дзядзечкі Ігара Сідарука" (1994, Брэст).

Самы скандальны паэтычны зборнік беларускай літаратуры першай паловы 90-х. Выйшаў (1994) у легендарнай тэвээлаўскай сэрыі “Паэзія новай генэрацыі”. Вершы аб’яднаны ў два разьдзелы: 1. Танкі бяз хоку 2. Арганаўтыка. У апошні разьдзел акрамя вершаў уключаны чатыры міні-аргазм-паэмы: “Споведзь самагубцы”, “Споведзь зьняверцы”, “Споведзь цнатліўца”, “Споведзь ганарліўца”. Пасьля выхаду “Санаты Арганаты”, пасьля пастаноўскі В. Мазынскім п’есы Сідарука “Галава” і зьяўленьня ў друку першых апавяданьняў тэвээлаўца з Кобрыня беларуская крытыка ў голас загаварыла пра нараджэньне беларускага постмадэрнізму.