У літаратуразнаўчым выданні на прыкладзе творчасці
класікаў (Янкі Купалы, Якуба Коласа, Максіма
Багдановіча, Цёткі, Максіма Гарэцкага) i сучаснікаў
(Максіма Танка, Рыгора Барадуліна, Алега Лойкі, Галіны Тварановіч, Генадзя Пашкова, Алеся Адамовіча, Яўгеніі Янішчыц, Вольгі Русілкі, Алеся Разанава і інш.), у тым лiку рэгiянальных пісьменнікаў (Аляксея Пяткевiча i Ігара Жука, Дануты Бiчэль i Людмiлы Кебіч, Людмілы Шаўчэнкі i Анатоля Апанасевiча, Ірыны Фамянковай i Вiктара
Кудлачова) даследуюцца нацыянальная самабытнасць айчыннай літаратуры, грамадскакультурны кантэкст, кантактныя сувязі беларускай літаратуры са славянскай i сусветнай літаратурай.
На факталагічным літаратурна-мастацкім і навукова-тэарэтычным матэрыяле разглядаюцца пытанні нашаніўскага дыскурсу, рэцэпцыі беларускай літаратуры ў свеце, мастацкага перакладу
і міжкультурнай камунікацыі, дзіцячай літаратуры, паэзіі, прозы і літаратуразнаўства. Агляд літаратурнага працэсу ХХ-ХХІ стагоддзяў прадугледжвае ўменне спасцігаць аўтарскую пазіцыю і ацэньваць мастацкі твор з уласнага пункту гледжання.
Усе пяць раздзелаў кнігі («Класіка: суразмоўны дыялог праз стагоддзе», «Слова пра класіку і класіка слова: актуальнасць запаветаў», «Сучасны літаратурны свет», «Літаратурная Гродзеншчына сёння», «Беларуская літаратура ў сусветным кантэксце») — гэта пяць вымярэнняў аўтарскага бачання панарамнага літаратурнага працэсу. Акцэнтуецца ўвага на творчых партрэтах, творах і праблемах, у ацэнцы якіх крытыка і чытач перакрыжоўваюць часам дыяметральна процілеглыя меркаванні.
Адрасавана як прафесійным чытачам, так і шырокаму колу чытачоў-аматараў — тым, хто нераўнадушны да літаратурна-мастацкага пазнання жыцця, дапытліва шукае ў ім «красу і светласць».
У літаратуразнаўчым выданні на прыкладзе творчасці
класікаў (Янкі Купалы, Якуба Коласа, Максіма
Багдановіча, Цёткі, Максіма Гарэцкага) i сучаснікаў
(Максіма Танка, Рыгора…