Алесь Бычкоўскі – лучшие книги

Творчасць фантаста Алеся Бычкоўскага ахоплівае невядомыя сегменты Сусвету, дзе адбываюцца неверагодныя прыгоды і адкрыцці і дзе можна па-іншаму ад прывычнага адчуць час і прастору. У кніжцы ёсць караблі-зоркалёты і мужныя космапраходцы, хітрыя кантрабандысты. Два супертворы сучаснай беларускай фантастыкі змешчаныя ў гэтай кнізе: дзве фантастычныя навелы «Ён прыйдзе апоўначы» і «Муары Лідлу». А разам з імі — захапляльныя аповесці і твор па-за жанрам — «Хвалі. Бязмежная плынь» — для тых, хто любіць філасофскія вандроўкі.

Ці чулі вы, што ўсе выдуманыя сусветы існуюць насамрэч? І не толькі існуюць, але і дапамагаюць пісьменнікам, чытачам, а найперш аматарам казак і фэнтэзі.
Ці вядома вам, што побач з намі жывуць паралельныя цывілізацыі разумных жывёл? Журналіст Тамаш Ян гэтаксама не ведаў, пакуль не ўлупіўся галавой у пень і не трапіў у карчму «Халодныя ногі» каля могілак.
Анамальныя з’явы, ваўкалакі, тагасветныя пачвары пад абліччам вабных прыгажунь ды іншае ў новым зборніку бела­рускага празаіка Алеся Бычкоўскага “Дабрадзеі і гармідар квантавай літаратуры”.

Трансгалактычны лайнер «Сільмарыліён» вандруе ад планеты да планеты. Гаспадары карабля збіраюць і акумулююць звесткі пра старадаўнія зніклыя народы Сусвету. У пошуку слядоў крэйсера «Гнеў апраметнай» гісторык Тамаш апынаецца ў свеце, дзе жывуць забытыя нашчадкі народа, які насяляе Новы Менск. Пра тое — аднайменная аповесць.
Аматараў жа філасофскіх вандровак зацікавяць «Людзі і вароны». Урач-псіхіятр хоча дапамагчы Данілку, які сябруе з варонай, бо іншых сяброў у яго няма. Птушка запрашае хлопчыка ў падарожжа. Аднак, каб паляцець разам з варонай, трэба падняцца на дах высокага дома…
У кнізе таксама прадстаўлены іншыя разнапланавыя фэнтэзійныя апавяданні.

Правінцыйныя казкі.

Выданне прысвечанае ранняму літаратурнаму авангарду Беларусі, што часткова адлюстраванае ў эксперыментальным выдаўніцкім праекце 90-х гадоў ХХ стагоддзя — так зв. «друкапісах», якія фактычна сталіся першай авангардовай перыёдыкай беларускай літаратуры.

Гэтая кніга – літаратурная прастора, дзе пануюць ваўкалакі і чарадзеі-вартаўнікі, міліцыянты і п’яныя суседзі. Аўтар-бумбамлітавец здзекуецца з чытача, герояў і самога сябе. Але творы трымаюць своеасаблівы каларыт аповеду, што зрэшты, і прыцягвае...

Новая кніга з серыі «Сучасная беларуская літаратура» сабрала творы ў жанры фантастыкі і містыкі. Апавяданні і аповесці, надрукаваныя ў кнізе, апісваюць жыццё на іншых планетах, а таксама зямное, блізкае — тое, што побач, але пры гэтым не меней цікавае і неверагоднае.
Адрасуецца шырокаму колу чытачоў.