5 Ён - бог, а я сліну на яго пускаю

Ці можна застацца пад ўражаннем ад кнігі, нават калі ты прачытаў яе не адзін раз і не раз пераглядзеў фільм? Адназначна так, бо гэта паказвае тое, як моцна твор запаў у душу. І я зноў у Акадэміі вампіраў, упарта спрабуючы зразумець, кім бы я была ў гэтым свеце. З мяне, напэўна, не атрымаўся б дампір (не тая фізічная падрыхтоўка), ды і на мароя я не падобная. Злодзеі-стрыгоі мяне таксама не ўражваюць, так што застаецца толькі адзін варыянт: я б засталася чалавекам. Напэўна стала б карміцелем, а можа, была б зусім недасведчанай пра існаванне крывасмокаў на планеце. Увогуле, ёсць дзе фантазіі разгуляцца.

Прачытаўшы гісторыю ў гэты раз, я з жахам зразумела, што дасягнула ўзросту Дзмітрыя. Чамусьці раней мяне гэты факт не турбаваў, але цяпер я паглядзела на сітуацыю іншымі вачыма. Мы аднагодкі, яго называюць богам і ідэалам, а чаго дамаглася я ў свае 24 гады? Пускаю сліну пры выглядзе рускага прыгажуна ў каўбойскім паліто. Лічу гэта поспехам.

Пра герояў я ўвогуле нічога не магу сказаць канкрэтна. Яны ці плоскія, нудныя, ці чапляюць - усё залежыць ад сітуацыі. І няхай на кожнага з іх ускладзена велізарная адказнасць, іх неадэкватныя паводзіны, імпульсіўнасць, шалёныя гармоны можна спісаць на падлеткавы ўзрост (выключаем з гэтага спісу Дзмітрыя: ён усё ж такі часам занадта сур'ёзны). І так, тут таксама ёсць увесь набор клішаваных персанажаў: дзяўчына-прынцэса, яе сяброўка "кібарг-забойца", сапраўдная сцерва, гарачы выкладчык, хлопец-адзіночка і хлопец "проста сябар". Тым не менш, кожны з іх мае нейкія свае схаваныя бакі асобы, якія раскрываюцца па меры апавядання.

Мне вельмі спадабаўся пераход, які я не заўважыла пры первым знаёмстве з серыяй. Па меры чытання можна ўбачыць, што словы, сказаныя ў пачатку кнігі, нязначныя для эпізоду, маюць істотны ўплыў у канцы. Важна толькі злавіць момант, што ж можа стаць тым самым сувязным звяном у гісторыі. Тэндэнцыя працягваецца і ў наступных кнігах, што дадае цікавасць. Чытанне ператвараецца ў нейкі квэст, галаваломку, якую трэба разгадаць.

У выніку, кніга добрая для аматараў вампірскай тэматыкі. Нядрэнна прапісаны адрозненні ў расах вампіраў, іерархія ў соцыуме. Спадзяемся на далейшае раскрыццё таямніц.