Кремлда утган йилларим

«Кремлда ўтган йилларим»: Икромов иши, Сталиннинг ўл(дирил)иши, Хрушчев илиқлик даври. 1922–1991. Бир авлод дунёга келиб, камолга етиши мумкин бўлган вақт. Бу фурсатда бир давлат ҳам ташкил топиб, «бамайлихотир айланаётган Ер куррасини ўз ўқидан чиқариб», қандай шиддат билан тузилган бўлса, худди шундай талатўп билан таназзулга юз тутишга улгурди. Ҳа, Совет Социалистик Республикалари Иттифоқи тарихда унча-мунча куч ўчира олмайдиган из қолдирди.Совет даври ҳақида ўқилган.

«Кремлда ўтган йилларим» асарида совет даври эмоционал бўёқдан холи, хронологик тарзда тасвирланади. Уч китобдан иборат мемуар асарнинг муаллифи Нуриддин Акрамович Муҳиддинов Ўзбекистон совет социалистик республикасининг сиёсий ҳаётида муҳим роль ўйнаган шахс. КПСС Марказий қўмитаси секретари, Ўзбекистон компартияси Марказий қўмитаси биринчи секретари, КПСС Марказий қўмитаси Президиуми аъзолигига номзод, ЎзССР Министрлар Совети раҳбари, Тошкент вилоят компартияси биринчи секретари каби лавозимларда фаолият кўрсатган.