Лучшая рецензия
Смотреть 2
- Што здарылася? - спытала мама. - Я не ведаю! - выкрыкнула Кася. - Тут усё зламана і раскідана... - Не. Што здарылася З ТАБОЙ?
(Кніжка-кніжачка, адна ты мяне шкадуеш (шмыргае носам). Мне... сумна? Страшна? Млосна? Дзякуй, што спытала...)
Гэтая прыгажунька - цвёрдая, мелаваная, пухтаная, кіпцюрастая і неймаверна тэрапеўтычная кніжка. Не першы раз бяру яе са знарок пабудаванай высокай паліцы, гартаю, усміхаюся, вывучаю сябе і сусвет - нанова.
Так, Кусь-Кусяндра вывучае сябе. Цап - і яна даведваецца, што мае кіпцюры. Рррык - і зведвае свой голас, заўважае вострыя зубкі. Мне ў гэты момант кожны раз круціцца галава. Я ізноў у пустэчы чорнага космасу, ізноў нанова вывучаю-ствараю сабе, каб перамагчы небыццё аўтаматызму. (У мяне ёсць цела, і яно баліць. У мяне ёсць страўнік, і яго даўно не…
