Здубавецьце

Гэтая кніга бадай самая хуліганістая сярод ўсіх іншых беларускіх кніг ХХ стагоддзя. Задоўга да з'яўлення беларускіх панк-паэтаў і вершатворцаў-аматараў ненарматыўнай лексікі, Рыгор Барадулін выдаў сапраўдную «бомбу» белліту – зборнік «Здубавецьце».

Гэтай кнізе цяжка вызначыць адпаведнае жанравае месца. Бо яе не назавеш ані фальклёрным, ані чыста аўтарскім зборнікам. Народны паэт сабраў на сваёй радзіме, Ушаччыне, караценькія гумарыстычныя гісторыі, выслоўі, прыпеўкі, апрацаваў, але пакінуў дыялектную і ненарматыўную лексіку. Нічога падобнага беларуская літаратура раней не ведала.

Цяжка паверыць, што ўсе гэтыя гісторыі, змешчаныя ў першым раздзеле кнігі «Рагацьцё», паэт чуў ад сваіх землякаў. Магчыма, аўтар самастойна прыдумаў пэўную сітуацыю і развязаў яе ў народным стылі, як гэта магло…