Янка Юхнавец - все книги по циклам и сериям | Книги по порядку

Творы паэта Янкі Юхнаўца, які жыве ў ЗША, няпростыя для ўспрымання. Ён імкнецца вылучыць паэтычную субстанцыю жыцця, занатаваць «спакойны беларускі пагляд» на космас, што звязаны з намі безліччу невідочных нітак.

«Проза» Янкі Юхнаўца (1921-2004) — новая кніга ў серыі «Спадчына: агледзіны» — першае ў Беларусі выданне празаічнай спадчыны гэтага пісьменніка- эмігранта. Том склалі апавяданні, няскончаная аповесць «Яно», «Запіскі і зацемкі...». Напісаныя самабытнай мовай, арыгінальныя творы маюць паспрыяць вяртанню імя аўтара ў літаратуру.

Кніга паэзіі Янкі Юхнаўца (1921-2004) — унікальнае выданне паэтычнай спадчыны эміграцыйнага творцы, дзе сабраныя разам вершы і паэмы з усіх выдадзеных аўтарам зборнікаў, а таксама не ўвайшоўшыя ў іх. Паэт, што нарадзіўся ў в. Забродак (сёння Докшыцкі р-н Віцебскай вобл.), у часе нямецкай акупацыі быў вывезены на працы ў Нямеччыну, адкуль у паваенны час перабраўся ў ЗША. Выданне поўнага збору паэтычных твораў Я. Юхнаўца павінна было б паспрыяць больш пільнай увазе чытачоў і спецыялістаў да яго літаратурнай спадчыны.