Лучшие книги Александра Петрашкевича

Аўтар п'ес «Адкуль грэх?», «Трывога», «Злыдзень», «Укралі кодэкс», «Соль», якія ставяцца ў многіх тэатрах нашай краіны, прапануе чытачу сваю новую п'есу — гістарычную драму «Напісанае застаецца», прысвечаную беларускаму першадрукару, вучонаму, асветніку і культурнаму дзеячу, перакладчыку і пісьменніку эпохі Адраджэння Францыску Скарыне.

У зборнік п'ес вядомага беларускага драматурга Алеся Петрашкевіча ўвайшлі гістарычныя драмы і трагедыі: «Гора і Слава», «Меч Рагвалода», «Напісанае застаецца», «Прарок для Айчыны», «Воля на крыжы». Аўтар распавядае пра славутых людзей — Рагвалода, Вольгу, Рагнеду, Уладзіміра, Усяслава, Францыска Скарыну, Янку Купалу. Творы вызначаюцца дынамізмам дзеяння, публіцыстычнай вастрынёй.

Драма «Прарок для Айчыны» Алеся Петрашкевіча прысвечана віленскаму перыяду жыцця Францыска Скарыны. У п'есе адлюстравана гісторыя судовых спраў, звязаных са спадчынай, тых недарэчных побытавых калізій, якія адабралі ў творцы столькі каштоўнага часу, здароўя, абумовілі яго эміграцыю ў Прагу. У выніку судовай цяганіны вакол спадчыны Маргарыты, пасля шэрага няўдалых спроб заручыцца падтрымкай у людзей, надзеленых уладай або грашыма, Скарына апынуўся ў пазнаньскай турме, у пазыковай «яме». П'еса А. Петрашкевіча ўжо сваёй назвай дэкларуе пытанне: чаму не шануюцца прарокі ў сваёй Айчыне? Чаму ў людзей таленавітых ворагаў больш, чым сяброў? Талент, як высвятляецца, няздатны сам сябе абараніць. Ён патрабуе разумення і падтрымкі як сучаснікаў, так і нашчадкаў. Людзі павінны быць падрыхтаваны для таго, каб прыняць гэты Божы дар.

Змагарам-адраджэнцам пачатку ХХ стагоддзя і іх спадкаемцам ХХІ стагоддзя прысвячаю з надзеяй на волю і незалежнасць Бацькаўшчыны. Аўтар. Трагедыя «Приласкать и уничтожить!» уяўляе сабой дакументальную рэстаўрацыю падзей, звязаных з Усебеларускім з'ездам 1917 года i стварэннем Беларускай Народнай Рэспублікі.

У кнігу ўвайшлі тры п'есы драматурга: «Адкуль грэх?..», «Трывога», «Укралі кодэкс». Усе яны прысвечаны надзённым тэмам сучаснасці, пабудаваны на вострых канфліктах, закранаюць важныя маральна-этычныя праблемы.

Гістарычная трагедыя, прысвечаная вядомаму змагару за незалежнасць Беларусі Кастусю Каліноўскаму.

Александр Петрашкевич - известный белорусский драматург. В настоящий сборник включены три комедии и две драмы.
Драма "Написанное остается" посвящена великому белорусскому просветителю и первопечатнику Франциску Скорине.
В сатирических комедиях "Украли кодекс", "Злыдень", "Откуда грех?" и драме "Тревога" автор ведет непримиримую борьбу с равнодушием, бюрократизмом, нарушителями социалистической морали, законности, с пережитками прошлого в сознании людей.

У зборнік беларускага драматурга ўвайшлі п'есы «Соль», «У спадчыну— жыццё», «Гора і слава», «Злыдзень» і іншыя. У іх аўтар закранае праблемы беражлівых адносін да зямлі, да чалавека, да народных традыцый і культурнай спадчыны. У сатырычных камедыях аўтар высмейвае прыкрыя праявы: п'янства, бюракратызм, бяздушша, чэретвасць, чыноўную тупасць. П'есы вызначаюцца актуальнасцю праблематыкі, дынамізмам дзеяння, публіцыстычнай страснасцю.

У зборнік увайшлі драматычныя творы на гістарычную тэму, рэкамендаваныя для дадатковага чытання ва ўстановах агульнай сярэдняй адукацыі. Выданне дапоўнена крытычнымі артыкуламі аб жыцці і творчасці аўтараў, чые п'есы размешчаны ў кнізе.
Тэксты п'ес адаптаваныя для дадзенай чытацкай аўдыторыі.

У зборнік увайшлі драматычныя творы, створаныя вядомымі беларускімі пісьменнікамі ў канцы 20 – пачатку 21 стагоддзя. Напісаныя ў жанрах гістарычнай п’есы, драмы, трагедыі, усе яны пераносяць нас у мінуўшчыну, каб яшчэ лепш зразумець сучаснасць, прадказаць будучыню і паразважаць пра адвечнае.

Аднатомнік Алеся Петрашкевіча (1930–2012) пачынаецца самым значным яго празаічным творам «Крыніцы і каламуць», у якім аўтар шчыра расказаў пра сваё дзяцінства ў роднай вёсцы Пярэвалачня на Віцебшчыне, пра вучобу ў Белдзяржуніверсітэце, працу ў ЦК КПБ (разам з П. М. Машэравым), у БелСЭ (з П. Броўкам, І. Шамякіным) і інш. У кнігу ўключаны таксама яго найбольш цікавыя гістарычныя п’есы. Дзевяносты том кніжнага праекта «Беларускі кнігазбор».

Дзве кнігі гістарычных п’ес вядомага беларускага драматурга Алеся Петрашкевіча, аб’яднаныя агульнай назвай «Здрапежаная зямля», ахопліваюць перыяд X—XX стагоддзяў. Аўтар, абапіраючыся на сапраўдныя жыццёвыя сюжэты, дае шырокую гістарычную панараму барацьбы за дзяржаўнасць і незалежнасць беларускага народа.
Кніга грунтуецца на дакументах і найноўшых гістарычных даследаваннях.
"Гэта кніга можа стаць падмуркам-асновай стварэння кіна- ці тэлесерыяла, праз які люд беларускага краю і ўвесь цывілізаваны свет дазнаецца гістарычную праўду пра старажытны самавіты народ, на долю якога выпаў крыжовы шлях. Магу параіць паважаным чытачам пабыць кожнаму паасобку і рэжысёрам, і мастаком, і кампазітарам сваіх віртуальных відовішчаў па п'есах пра гераічны і трагічны шлях нашай Бацькаўшчыны і яе волатаў-абаронцаў ад драпежных ганіцеляў з навакольнага свету".

У зборнік увайшлі сучасныя драматычныя творы на гістарычную тэму, рэкамендаваныя для вывучэння ў школе.

Мемуары Алеся Петрашкевіча, пазначаныя ім як успамінальны аповед, уяўляюць сабой жыццяпіс з шырокімі абагульненнямі, якія дае вядомы драматург, празаік, публіцыст, навуковец, былы камсамольскі і партыйны функцыянер цэкоўскага рангу, адзін з асноўных арганізатараў і кіраўнікоў энцыклапедычнай справы ў Беларусі, завадатар стварэння 140-томнай гісторыка-дакументальнай хронікі «Памяць», першы рэктар, выкладчык і ганаровы прафесар Беларускага дзяржаўнага універсітэта культуры.
Успаміны вызначаюцца бескампраміснай праўдзівасцю, гістарызмам, крытычнасцю, добразычлівасцю, іроніяй і сарказмам аўтара як да сябе самога, так і да тых, з кім яму давялося мець дачыненні.

Зборнік п'ес, які прапаноўваецца чытачам, адлюстроўвае асноўныя напрамкі ў сучаснай беларускай драматургіі. Кніга адкрываецца гістарычнай драмай "Прарок для Ай-чыны" А. Петрашкевіча, услед за ёй змешчана драматычная паэма Р. Баравіковай "Барбара Радзівіл". Наступная п'еса зборніка "Гапон і Кацярына" В. Лапціка створана па матывах літаратурных твораў В. Дуніна-Марцінкевіча. Алаізе Пашке-віч прысвечана п'еса "Суд Алаізы" В. Коўтун. Завяршаецца зборнік творам А. Дзялендзіка "Выклік багам" ( "Чатыры крыжы на сонцы").