Новинки Сяргея Панізніка

Аўтар кнігі вось ужо больш за 50 гадоў сваёй даследніцкай і стваральнай працай шчыра служыць Бацькаўшчыне, землякам. Гэты зборнік змяшчае вершы, прысвечаныя Радзіме, блізкім, сябрам і калегам. Творы прасякнуты любоўю да роднай зямлі, павагай да продкаў, перажываннем за лёс Айчыны. Творца гаворыць з чытачом пра тое, што хвалюе-непакоіць ў сённяшняй існасці і спадзяецца на яго суперажыванне.

У зборнік увайшлі эпісталярна-публіцыстычныя творы, напісаныя ў форме звароту да рэальнай Асобы, ва ўшанаваньне яе патрыятычнай і грамадзянскай чыннасьці на мацерыку Бацькаўшчыны. Вершы-прысьвячэньні ствараліся пры сьвячэньні галін радаводнага дрэва, знакавых падзей, духоўных і пачуцьцёвых пратубэранцаў на натхнёным чале чалавека.

Ад прыдзвінскіх румаў вялі стырнавыя свае плыты да балтыйскіх берагоў. Быць стырнавым, стаяць каля вясла-руля, на глыбокіх вірах паэзіі яшчэ больш складана. У новым зборніку паэта вы сустрэнеце i лірычныя споведзі, і публіцыстычныя творы — яны водгук на сучасныя рэаліі жыцця, калі ідзе адраджэнне страчаных маральных крытэрыяў, перабудова свядомасці.

Новую кнігу паэта складаюць вершы пра гісторыю і сучаснасць. пра родную зямлю — мацярык жыццёвых клопатаў чалавека. У зборнік уключана таксама паэма-маналог «Рэстаўрацыя Хвіліны».

Творчае крэда гэтай кнігі паэт перадае наступным чынам: "Маці аднойчы сказала: трэба з людзьмі жыць так, каб заўсёды заставалася слова на дабрыдзень..." Гэта значыць, каб кожная сустрэча была шчырай і цікавай, каб кожны чалавек клапаціўся аб росквіце Радзімы.

Новая кніга Сяргея Панізніка — спроба раскрыць праз думкі і пачуцці сучасніка духоўны змест сённяшняга дня. У зборніку — вершы аб грамадзянскім і салдацкім абавязку, пра подзвіг абаронцаў краіны ў час фашыстоўскай навалы, пра той незгасальны агонь, які запалены нашчадкамі ў памяць герояў.

Сяргей Панізнік у сваёй новай кнізе застаецца верным тэме ўслаўлення роднай зямлі і яе народа.

Нарадзіўся Сяргей Панізнік ў 1942 годзе на Міёршчыне. Скончыў Магілёўскае медыцынскае вучылішча, працаваў фельчарам. Цяпер вучыцца на факультэце журналістыкі Вышэйшага ваенна-палітычнага вучылішча.
Вершы Сяргея Панізніка друкаваліся на старонках рэспубліканскіх газет і часопісаў. "Кастры Купалля" - першая кніжка маладога паэта.