Лучшие книги Сцяпана Александровіча

У кнігу выбраных твораў вядомага беларускага пісьменніка і літаратуразнаўца, доктара філалагічных навук, прафесара С. X. Александровіча (1921-1986) уключаны займальна напісаныя нарысы пра самых знакамітых беларускіх пісьменнікаў, аповесць «Далёкія зарніцы» (пра суровыя выпрабаванні часоў вайны, што выпалі на долю самога аўтара), кніга другая «Ад гоману бароў...» аповесці пра Якуба Коласа «На шырокі прастор», гісторыка-літаратурныя нарысы і лісты.
Сто чацвёрты том кніжнага праекта «Беларускі кнігазбор».

Першая частка аповесці— «Ад роднае зямлі...», якая ўжо выдавалася асобнай кнігай, а цяпер дапоўнена аўтарам, прысвечана дзяцінству і юнацтву народнага паэта Беларусі Якуба Коласа. Другая частка — «Ад гоману бароў...» — расказвае пра нялёгкія жыццёвыя дарогі і творчую працу вялікага сына беларускай зямлі, пра яго работу ў школе, знаходжанне ў турме, службу ў царскай арміі і на фронце. Праз усе дарогі праносіць Якуб Колас непахісную веру ў сілы і будучае шчасце народа.

Гэта кніга вядомага даследчыка беларускай літаратуры Сцяпана Александровіча прызначаецца юнаму чытачу і расказвае пра жыццё і творчасць народнага паэта Беларусі Якуба Коласа. Крок за крокам вядзе нас аўтар па нялёгкім жыццёвым шляху вялікага сына беларускай зямлі. Кніга складаецца з чатырох аповесцей, кожная з якіх прысвечана пэўнаму перыяду ў жыцці Якуба Коласа.