Планктон

Ці бывала вам крыўдна за няспраўджаную ідэю ў кнізе? Калі ў аўтара ёсць усё, каб напісаць цудоўную кнігу, але ён гэтым чамусьці не карыстаецца. Вось і выглядае твор у выніку сырым, недаробленым. Такім я бачу зборнік Міхася Зізюка “Планктон”, які сёлета патрапіў у доўгі спіс Прэміі Гедройца. Складаюць кнігу 6 аповесцяў, 5 апавяданняў і нарысы. Завязка першай аповесці “Кароль Капайла і яго атачэнне” вельмі нагадвае апавяданне Эдгара Л. Доктараў “Уэйкфілд” (дарэчы, Доктараў паходзіць з сям’і яўрэйскіх эмігрантаў з Мінскай губерні). Паводле гэтага апавядання пару гадоў таму быў зняты фільм “Wakefield” з Браянам Крэнстанам у галоўнай ролі (цудоўна адаптаваны расейскімі лакалізатарамі пад назвай “Во всём виноват енот” *сарказм*). Раю і апавяданне Доктараў (яно зусім невялічкае) і экранізацыю.…