Цитаты из произведения Wileński poker

Марцін Пошка быў фанатыкам навукі. Ён рупліва дасьледаваў шлях савецкага грамадзяніна ад дзіцячага садочку да заканчэньня ўнівэрсытэту й з матэматычнай дакладнасьцю даказаў, што паўсюды й заўжды вучаць адно праглынаць гатовыя тэзы, нежывыя вобразы й нячулыя канструкцыі. Нідзе ня вучаць думаць. Ня вучаць самому ствараць…

Толькі тыя, хто згубіў дух, баяцца ўнутраных пачвараў. Толькі тыя, хто страціў процівагу, робяць выгляд, што нутро ў іх чыстае й гожае. Насамрэч вялікім стаць можаш, толькі злучыўшы сваё неба са сваім пеклам.

Гедрайцене гадавала трусаў, зь іх жыла, бо ніякай пэнсіі не атрымоўвала, а адзіны сын пра яе не клапаціўся. Усіх сваіх гадаванцаў яна звала па імені й вадзіла выгульваць на луг. Трусы яе слухалі, як дрэсіраваныя сабакі. Але галоўнае — іх імёны. Адзін гістэрычны чарнавухі зваўся Гітлер. Вусаты таўстун быў па імені Сталін.…

Ён сарваў зь мяне сукенку, разадраў яе на дробныя шматкі, агледзеў позіркам прафэсіянала й сказаў, што на выставе пакажа мяне: голую, абмазаную гаўном, абклееную знойдзенымі ў прыбіральні шкуматамі газэты. І назаве гэта "Літва"...