5 Чэмпіён за 80 даляраў

Вы ведаеце, я з дзяцінства люблю коней. Маімі любімымі цацкамі былі розныя пластыкавыя коні, поні, аднарогі. Я памятаю часопіс "Конікі", якім я зачытвалася ад першай да апошняй старонкі. У пачатковай школе я заўсёды казала, што хачу стаць удзельніцай коннага спорту (менавіта так). На жаль, гэта так і засталося дзіцячай марай, бо я так і не навучылася ездзіць верхам. Зрэшты, я не пакідаю надзеі, што калі-небудзь дабяруся да інструктара па верхавой яздзе. Час пакажа, ці змагу я сесці на каня і парадаваць малую сябе.

Але зараз гаворка не пра мяне, а пра простага беспароднага каня, які апынуўся адной нагой на жывадзёрні. Аднак яму пашанцавала, калі можна так сказаць. Лёс Сняжка трапіў у рукі работніка школы для дзяўчынак Гары дэ Леера, мігранта з Нідэрландаў, у выглядзе 80 даляраў. Нават з улікам мінулага стагоддзя дадзеная сума - нікчэмная для куплі каня, а ў 1950-я гады за такія грошы можна было купіць толькі мяса (крыўднае слова, што выкарыстоўваюць для характарыстыкі жывёлы, якая адной нагоў у магіле). А тут - немалады вялізны мэрын, у вачах якога не бачна асуджанасці, які быццам ведае, што са з'яўленнем каржакаватага мужчыны яго жыццё зменіцца назаўжды.

І вось рашэнне набыць жарабца, хай нават перспектывы былі нікуды не вартыя, адкрыла для Гары дарогу ў канкур. Конь аказаўся добрым скакуном праз перашкоды, і нават вялізны рост для гэтага - не памеха. І пачаліся трэніроўкі, а потым - прэстыжныя спаборніцтвы. Тут добра выкарыстоўваецца прыказка "не судзі кнігу па вокладцы", бо за непрыемнай знешнасцю і беспароднасцю хаваецца сэрца сапраўднага чэмпіёна. Галоўнае - вера ў свае сілы.

Уражвае, што кніга расказвае пра рэальныя падзеі, бо Гары дэ Леер і Сняжок - знакамітыя асобы ў свеце коннага спорту мінулага стагоддзя. Да гэтай пары гісторыя каня за 80 даляраў бударажыць сэрцы і здзіўляе да глыбіні душы. Нязначная сума - і секунда спагады... Што ж далей? Поспех, які не сыходзіць праз гады, і сяброўства, пра якое можна толькі марыць.