КУТ

КУТ - гэта фотаальбом пейзажаў і дзікай прыроды Беларусі, створаны за дзесяць гадоў паездак двух сяброў-фатографаў. Разам і паасобку, з дронамі ды тэлеаб'ектывамі, Слава і Аляксей кожныя выхадныя адпраўляліся ў розныя пункты краіны. «Чым менш людзей і больш звяроў, тым лепей», — звычайна так яны распрацоўвалі свае маршруты. Акрамя сотняў фотаздымкаў, у кнізе размешчаны гісторыі, якія дапамагаюць адчуць дух сяброўскіх вандровак. Кніга прысвячаецца ўсім, хто сумуе па доме.