Robert Burns. Selected Poems

Oh Wert Thou In The Cauld Blast

Oh wert thou in the cauld blast, On yonder lea, on yonder lea, My plaidie to the angry airt, I’d shelter thee, I’d shelter thee; Or did misfortune’s bitter storms Around thee blaw, around thee blaw, Thy bield should be my bosom, To share it a’, to share it a’.

Or were I in the wildest waste, Sae black and bare, sae black and bare, The desart were a paradise, If thou wert there, if thou wert there. Or were I monarch o’ the globe, Wi’ thee to reign, wi’ thee to reign, The brightest jewel in my crown Wad be my queen, wad be my queen.

O my Luve’s like a red, red rose That’s newly sprung in June; O my Luve’s like the melodie That’s sweetly played in tune.

As fair art thou, my bonnie lass, So deep in luve am I; And I will luve thee still, my dear, Till a’ the seas gang dry: A Red, Red Rose

Till a’ the seas gang dry, my dear, And the rocks melt wi’ the sun; I will luve thee still, my dear, While the sands o’ life shall run.

And fare thee weel, my only Luve, And fare thee weel awhile! And I will come again, my Luve, Tho’ it ware ten thousand mile.