Новинки Сяржука Сыса

«Месцамі аголена, недзе балюча, часам наіўна», - падвёў рысу Філосаф. «На дзіва непасрэдна і чыста» - прызнаўся аўтар Буквара. «Змрочна і гнятліва» - уздыхнуў Сябра. А брытанскі прафесар-філолаг адзначыў: «Хоць паэт вызнае сябе гарадскім жыхаром, аднак таямніцы і нават небясьпекі прыроднага сьвету вабяць яго, і не ў апошнюю чаргу дзеля мудрасьці, што адкрываецца там». Ісціна ж, як лічыць сам аўтар, недзе пасярэдзіне.

Паэзія Сяржука Сыса, знаёмая аматарам з перыядычнага друку ды інтэрнету, упершыню сабраная пад адной вокладкай. Запамінальныя вобразы, элементы самабытнай міфалогіі, філасофскія і настальгічныя матывы, іронія і гумар, уласцівыя творам паэта, далучаюць чытача да непаўторнага свету лірычных перажыванняў аўтара.