Адзін з пачынальнікаў, тэарэтыкаў і арганізатараў беларускага нацыянальна-вызвольнага і сацыялістычнага руху, Старшыня Рады Народных Міністраў і міністар замежных спраў Беларускай Народнай Рэспублікі Антон Луцкевіч (1884-1942) увайшоў у гісторыю беларускае культуры як сузаснавальнік літаратурна-мастацкае крытыкі. У гэтай кнізе ўпершыню пад адной вокладкай сабраныя працы А. Луцкевіча 1911-1939 гг., прысьвечаныя праблемам гісторыі беларускае культуры, літаратуры, мастацтва і журналістыкі. Значную частку тому складаюць літаратурна-крытычныя матэрыялы (водгукі, рэцэнзіі, артыкулы). Кніга адрасаваная ўсім, хто вывучае і выкладае гісторыю духоўнай культуры Беларусі, у прыватнасьці гісторыю эстэтычнай думкі і журналістыкі, гісторыю і тэорыю літаратуры і мастацтва.
