Последние издания книг Юрий Гуменюк

«Захлынуцца апантанасьцю жыцьця» - другая публіцыстычная кніга гарадзенскага паэта і журналіста Юрыя Гуменюка (1969 – 2013). Калі ў папярэдняй кнізе «Краіна нязьдзейсьненых мараў» сабраныя пераважна нарысы і эсэ. Дык новыя кніга аб'яднала пераважна малыя журналісцкія формы, перадусім з незалежнай газэты «Пагоня», якая выходзіла ў Гародні ў 90-х – 00-х гадах. У гэтых матэрыялах выразна адлюстроўваецца і той вірлівы час, і тагачаснае літаратурнае і мастацкае жыцьцё Беларусі, і сам аўтар.

Гэта першая кніга эсэістыкі Юрыя Гуменюка. На жаль, ён яе не пабачыць. Амаль два гады таму паэта ня стала. Кніга ўкладзеная і выдадзеныя ягонымі сябрамі. Зборнік аб’яднаў эсэістыку Юрыя Гуменюка, якая друкавалася ў 90-х і 00-х гадах у розных пэрыёдыках ─ часопісах “Калосьсе”, “Czasopis ” (Беласток), літаратурна-філязофскім сшытку “ЗНО” (дадатак да газэты “Культура”). Сабраныя разам гэтыя тэксты ствараюць кранальны партрэт арыгінальнага гарадзенскага творцы.

Юры Гумянюк – паэт наскрозь гарадзенскі. І ня толькі таму, што вобразна-матыўная парадыгма ягоных твораў увабрала ў сябе гукі, колеры, а нават пахі гэтага непаўторнага эўрапейскага гораду. Усе іньшыя ўзроўні мастацка-стваральнай прасторы гумянюкоўскіх тэкстаў таксама жывуць па літаратурных законах, якія дыктуе Гародня. А дыктуе яна вось што: 1) літаратура – не гульня; 2) літаратура – не вайна; 3) літаратура – ня бізнэс. Менавіта таму кожны радок, запісаны рукой Гумянюка, голасна сьведчыць, што іх паклікаў зь нябыту не гулец-версіфікатар, не ваяр-ідэёляг, не літаратар-мэнэджар, а дэміюрг. (Уступ, Анатоль Брусевіч, фрагмент)

Рытуал зборнік вершаў гарадзенскага паэта, “піянера беларускага постмадэрнізму” Юры Гуменюка. Лірычнасьць і гіпербалічнасьць трапных вобразаў мрояў, паўстаюць у творах паэта, які ў 90-х гадах мінулага стагодзьдзя як вецер уварваўся ў клясычную беларускую літаратуру, ламаючы каноны і закасьцянелыя стэрыятыпы мінуўшчыны. Новая, энэргічная, сьвежая хвалю струменіць з гуменюкоўскіх твораў і спрабуе разгайдаць дагэтуль амаль сьвятую і непагрэшную парадыгму беларускай літаратуры. Заходнебеларускі інтэлектуал парафразам і вобразнасьцю супраціўляецца і сьмяецца з канону і ў літаратуры, і ў постсавецкім жыцьці, які апалягеты мінулага спрабуюць затрымаць, каб апраўдаць сваё існаваньне. Заварожваючая адкрытасьць і лірычнасьць вершаў Юркі Гуменюка прыйдзецца да спадобы тым, хто шукае і чакае новай, моцнай і непаўторнай беларускай паэзіі.

Крытыка эсэ і ўспаміны гарадзенскага паэта Юры Гуменюка, што пабачылі сьвет на прыканцы ХХ стагодзьдзя зьяўляюцца сваеасаблівым падсумаваньнем непаэтычнага даробку апошняга дзесяцігодзьдзя адыйшоўшага стагодзьдзя. У зборнік увайшлі розныя па часе, розныя па зьместах і накірунках творы. Але іх аб’ядноўвае час, прыхільнікам якога назваў сябе сам аўтар у прадмове да выданьня. Паэзіі Юры Гуменюка пашчасьціла найбольш, бо яна была выдаваная, друкаваная у пэўных зборніках і з пэўнай сувязьзю. Гэты ж публіцыстычны зборнік аб’ядноўвае час, але як і паэзія збор крытыкі эсэ і ўспамінаў складаюцца ў цэласьць і дапасоўваючыся да “гуменюкоўскай” лірыкі стварае непаўторны і цэльны вобраз Гарадзенца.

Другі паэтычны зборнік вершаў гарадзенскага паэта Юрыя Гумянюка. Выйшаў у Полацку ў паэтычнай серыі "Паэзія новай генэрацыі", якую заснавала Таварыства Вольных Літаратараў. На вокладцы малюнак Алеся Аўчыннікава. Тыраж 600 экз. Зборнік утрымлівае праграмнае эсэ Юрыя Гуменюка "Твар Тутанхамона".

Першая кніга гарадзенскага паэта Юрыя Гуменюка. Выйшла ў полацкім андэграўндным выдавецтве "Полацкае ляда". На вокладцы малюнак Алеся Аўчыннікава. Тыраж 600 экз.