Цитаты из книг — Павел Каралёў

... У Купалы была паніжаная кіслотнасць, а ў Коласа павышаная, але лекі ім прызначылі аднолькавыя. І Колас з гэтага толькі пасмяяўся. Але ж Купала, казалі, падлечваўся і папраўляўся. З гэтай нагоды Колас напісаў эпіграмны верш. Прачытаў яго сябрам, а Купалу чытаць не адважыўся, каб не пакрыўдзіўся. За паэта гэта зрабіў…

Іван Дамінікавіч быў у самым высокім сэнсе слова джэнтльменам. Ён ніколі не дазваляў сабе ніякага жарту, які б мог хоць трошкі пакрыўдзіць каго б там ні было. - Азгур Заір. Успаміны пра Янку Купалу

Пра таго, хто зацята таргуецца з карысцю для сябе, адстойвае свае інтарэсы. Буржавідзела* ты свінячае.  (* у Я.Коласа вытворнае ад слова “буржуй”)

… А пасля заняткаў падышоў, пазнаёміўся, правёў да хаты. Пасля часта сустракаліся, ён яе далікатна даводзіў і – ні слова. І гэтак – каля году, відаць, у настаўніка не хапала рашучасці раскрыць свае пачуцці словамі. І маладая настаўніца, якой спадабаўся старэйшы за яе на дзевяць гадоў мужчына, узяла ініцыятыву ў свае рукі…

Ён з начальствам знае дзела: Па-расейску валіць смела; Ліжа, выйшаўшы за вёску, Ласку панскую па-польску. Нават жыду – ў доўг як просе – «Гутэ-моргэн!» – буркне ў носе. Калі ж сядзе у кутузку, Ўсіх кляне па-беларуску.  Янка Купала [1911]

Помню, раз цэлую ноч працавалі ў рэдакцыі на рагу Завальнай і Троцкай у Вільні. Колас а гадзіне 3-й уночы кажа: «Вот бы выпіў гарэлкі!» – «На грошы і купі!». Колас за паўгадзіны вярнуўся з цёмнай вуліцы і кажа: «Няма, усё зачынена! Тут і генерал не дастане!». Я пайшоў. Пытаюся ў гарадавога: «Калі ласка, дзе тут можна…

Савецкія цэнзары нярэдка выкрэслівалі асобныя моманты з біяграфій нашых класікаў. Часам гэта былі цікавыя і забаўныя эпізоды. Так прыбралі фрагмент, дзе Купала «даваў хабар» вайскоўцу, заніжалі колькасць літраў «малака» (гарэлкі), якое бралі нашыя пісьменнікі на рыбалку.