Xaliq Temur Məmmədov – лучшие книги

Bu əsər həyatın ən gözəl, çılğın çağı olan gəncliyin, yolunda hansısa keçilməz səddin olacağını hesaba almayan ülvi sevginin ustalıqla qələmə alınmış hekayətidir. "Qəm yağışı", "Nastya", "40-cı gün" kimi əsərlərin müəllifi, burada oxucuların ixtiyarına verilən "Kosagöl" əsərində də iki gəncin enişli-yoxuşlu həyat yollarından, onların sərhəd tanımayan odlu məhəbbətlərindən, həyatın qarşıda gözləyən ağır, bəzənsə, olduqca amansız sınaqlarından danışır.

Qəm-kədərlə müşaiyət olunan hadisələr ötən əsrin 80-ci illərində baş verir. Müəllif, ailə həyatı ilə bağlı köhnə qaydaların bu günə qədər gəlib çatan ən mühüm məqamlarından birini, göstərişlə ailə qurmaq ənənələrini və belə hadisələrin nə ilə nəticələndiyini incəliklə təsvir edir. Müəllif bu hekayəsində sanki, haray çəkərək gənc qəhrəmanların düşdükləri acınacaqlı vəziyyəti, iki gəncin yaşadıqları əzabı, ağrını oxuculara olduğu tək çatdırır.

Həyatda öz yerlərini tutmuş, olduqca müstəqil həyat tərzi sürən iki fərqli insanın – 40-50 yaşlı qadın və kişinin aralarında qəfil baş qaldıran məhəbbət nə deməkdir? Hətta, cavanlığın həsəd apara biləcəyi saf, məkrdən, riyaziyyatdan uzaq Sevgi! Belə münasibətlərin təbiətini neyropsixoloji və ya davranış biologiyası baxımından izah etməyə çalışsaq da, bu əsərdə Hakimlik edən gözəl məhəbbət həm saflığı ilə, həm də, əlçatmazlığı ilə toxunulmaz olaraq öz yüksəkliyində qalacaqdır.

Həyatın sirli yollarında, qaranlıq döngələrin o biri tərəfində yolçunu nələr gözləyir, kim bilər! Əsər iki gəncin faciəli hyatından, bu faciyə qarşısında son ümüd tək, səfərbər olunmuş gözəl məhəbbətin apardığı mübarizədən danışır.

Hər insan həyatı Tanrının yaratdığı bir möcüzədir, öz istəyi, arzusu ilə, öz sirli və fərqli yolları ilə. Bəzən bu yollarda qəm-dərd gözləyir insanı. Bəzən, sevinc yetirir özünü. Bəzən ayrılıq durur qarşımızda, bəzən vüsal sevindirir bizi. Bütün bu hisslərin başında isə bir qüvvə durur: Məhəbbət! Sexmək və sevimli olmaq – xoşbəxtliyin ilk göstəricisi bunlardır. İnsan nə qədər müstəqil olursa – olsun, sosiyal baxımdan hansı yüksəkliklər fəth edirsə-etsin, fərq etmir. Sevmək və sevilmək tamlaşdırır insan həyatını.