Рецензии на книги — Яша Бурш

Упершыню я пачуў пра паэта Яшу Бурша ад беларускай паэткі гішпанскага паходжання Анхелы Эспіносы Руіс. Маўляў, быў такі мадэрніст у літаратурнай суполцы «Белавежа», і гэта напачатку 60-х гадоў. Прычым ён пісаў не толькі свае дзіўныя вершы, але і артыкулы з тэарэтычным іх абгрунтаваннем. Што асабліва цікава.

Я пачаў шукаць яго кнігу. Аказалася не так проста знайсці. Зборнік адсутнічаў нават у некаторых прыватных бібліятэках беларускіх беластоцкіх пісьменнікаў. Праз нейкі час паэтка Міра Лукша здолела зрабіць мне ксэракопію гэтага таямнічага зборніку. Называецца ён «Прамень думкі». Утрымлівае ўсяго 54 невялікія вершы.

У тагачасных паэтычных дыскусіях на старонках газеты «Ніва» гэтыя вершы называліся складанымі, малазразумелымі для чытача. Па-шчырасці, ніякай асаблівай складанасці ў тых…