Кніга "Замак з люстраной залай" сабрала пад сваёй вокладкай апавяданні, напісаныя ў жанры містычнай фантастыкі. Некаторыя з твораў можна ахарактарызаваць як "гатычныя", іншыя набліжаюцца да жанру фэнтэзі. Адны сюжэты звязаны з сучаснасцю, другія - з даўнінай.
Аўтар прапануе падзяліць з ім шпацыры па касцельных сутарэннях і вячэры ў карчме, перамяшчэнні ў прасторы і часе ды нават сякія-такія пераўвасабленні. І ўсё гэта - у антуражы старых маёнткаў і замкаў, зачараваных партрэтаў і загавораных свечак, рытуальнай зброі і манускрыптаў, што ўтрымліваюць паміж сваіх радкоў таямнічыя формулы заклёнаў...
