Новинки Ханнановой Зульфии Миндибаевны

Башҡортостандың атҡаҙанған мәҙәниәт хеҙмәткәре, Шәйехзада Бабич исемендәге дәүләт йәштәр премияһы лауреаты Зөлфиә Ханна-нованың нескә күңел донъяһынан урғылған шиғырҙарға эскерһеҙлек, ихласлыҡ һәм саф күңеллелек, шулай уҡ романтик йүнәлеш хас. Уның шиғриәте кеше һәм халҡыбыҙ яҙмышындағы ҡатмарлы ҡаршылыҡтар тураһында уйландыра, яҡшылыҡҡа, матурлыҡҡа, юғарылыҡҡа әйҙәй, күңелдәребеҙгә аҡ нур бөркә, йәм өҫтәй.

Был йыйынтыҡ - күптән түгел генә барлыҡҡа килгән "Йәштәр тауышы" серияһының тәүге ҡарлуғасы. Әҙәбиәт киңлектәрен йылдан-йыл ҡыйыуыраҡ иңләргә ынтылған Зөлфиә Ханнанованың шиғырҙарына башҡорт ҡыҙҙарына ғына хас булған ихласлыҡ, саялыҡ һәм күңел матурлығы хас. Шағирәнең ошо китабы йәштәр шиғриәтенә тағы ла бер күркәм нағыш-биҙәк булып өҫтәлер тип ышанабыҙ.