Стефан Мани – лучшие книги

Reykjavík býr yfir ótal leyndarmálum
Föstudagskvöld nokkurt í september yfirgefur hin nítján ára gamla Sigríður Bella Ólafsdóttir æskuheimili sitt við Dragaveg. Hún segir engum hvert hún er að fara. Þegar hún skilar sér ekki aftur heim hringja foreldrar hennar á lögregluna. Það er eins og jörðin hafi gleypt dóttur þeirra.

Tuttugu árum síðar finnast mannabein við uppgröft í húsagarði í austurbænum. Hörður Grímsson fer með rannsókn málsins. Í ljós kemur að um líkamsleifar Sigríðar Bellu er að ræða. Hrollvekjandi staðreyndir benda til þess að hún hafi verið myrt.

Það litla sem lögreglan hefur í höndunum um hvarf stúlkunnar er skýrsla sem var skrifuð í rannsóknardeildinni á sínum tíma. Að mati Harðar var rannsókninni mjög ábótavant. Fljótlega beinast grunsemdir lögreglunnar að ákveðnum einstaklingi en sannanir skortir og fara þarf að öllu með gát. Hinn grunaði má alls ekki fá veður af rannsókninni.

Hörð fer að gruna að fleiri stúlkur hafi verið myrtar. Hann óttast líka að morðinginn sé ekki hættur og hafi þegar valið sér næsta fórnarlamb. Lögreglan leggur nótt við dag við rannsókn málsins, enda er tíminn senn á þrotum og mannslíf í húfi.

Það er sumarbjart og sólin skín á stórbrotið landslag Kirkjubæjarklausturs. Með ægifagra náttúr, stöðuvatn, gljúfur og foss í bakgarðinum er Klaustur allt sem ferðafólk dreymir um. Þetta vita þýsku stúlkurnar tvær sem flakka um landið á bakpokaferðalagi til að upplifa drauminn.
Lögreglumaðurinn Hörður Grímsson hefur veiðr kallaður að Klaustri til sumarafleysinga og ætlar han sér að njóta sumarsólar og friðsældar á landsbyggðinni. Flestir telja að Herði muni leiðast þófið í stóli varðstjórans, því á Klaustri gerist aldrei neitt.
Undir friðsælu yfirborði leynast þó myrkar sögur. Leyndarmál sem tvær ungar stúlkur á ferð um svæðið vilja ekki vta af.

Hörður Grímsson rannsakar alvarlega líkamsárás á glæpaforingja en árásarmaðurinn, dópsalinn William Smári Clover, gengur laus. Smári er því bæði hundeltur af lögreglu og misindismönnum í hefndarhug.
Á sama tíma rænir siðblindur maður mánaðargamalli dóttur sinni og ætlar með hana úr landi. Móðirin örvæntir þegar kerfið bregst en kallinu er svarað úr óvæntri átt. Leikurinn berst út á land og fyrr en varir streyma undirheimahrottar út á þjóðveginn og Hörður fylgir þeim fast á hæla – ungbarn er í lífshættu og tíminn að renna út.
Stefán Máni gefur ekkert eftir í þrettándu bók sinni. Framvindan er hröð og spennan magnast fram á síðustu blaðsíðu!