5 Адначасова гістарычны і рамантычны!

Нельга забываць, што аўтары мастацкіх твораў на гістарычную тэматыку чэрпаюць сюжэт з сапраўднай гісторыі і ўжо інтэрпрытуюць яго ў адпаведнасці з ідэяй твора і пісьменніцкімі здольнасцямі.
Леаніда Дайнеку можна смела назваць майстрам рамана, яго творы адрозніваюцца лёгкасцю ўспрымання, дастатковым дынамізмам і вастрынёй. Што ж датычыцца рамана "След ваўкалака", галоўным героем якога з'яўляецца славуты полацкі князь, то ён не толькі заснаваны на гістарычным матэрыяле (палон у кіеўскіх князёў Яраслававічаў, вызваленне і пасада вялікага кіеўскага князя), але і мае яркія рысы рамантычнага раману. Аўтар вельмі яскрава паказаў чатыры іпастасі Усяслава Брачыслававіча: бацька – князь – воін – чарадзей. Мужны і дальнабачны князь разумее галасы прыроды, бачыць прароцкія сны, ператвараецца ў ваўкалака і сумяшчае ў сабе дзве веры: язычніцтва і хрысціянства. Менавіта гэта трымае пад страхам Рурыкавічаў і адначасова выклікае гордасць у народа, які вызваляе Усяслава з поруба і давярае яму свой лёс. Любоў да Полацка і продкаў займае важнае месца ў душы Усяслава.
Акрамя гэтага Леанід Дайнека ўводзіць розныя вобразы жыхароў Полацкага і Кіеўскага княства, каб паказаць карціну тагачаснага жыцця і развіць дадатковыя сюжэтныя лініі: каханне ваяводы Рамана і Кацеры, Белавалод і Ульяніца, рыбак Ядрэйка і інш. У гэтым творы ёсць ўсё: гісторыя, каханне, смерць, смех і слёзы.