Павел Трус — последние издания книг

15 том. У зборнік уключаны вершы тых паэтаў, якіх сёння не так і часта выдаюць: Андрэя Александровіча, Змітрака Астапенкі, Міхася Багуна, Зінаіды Бандарынай, Наталлі Вішнеўскай, Анатоля Вольнага, Цішкі Гартнага, Алеся Гурло, Сяргея Дарожнага, Алеся Дудара, Янкі Журбы, Тодара Кляшторнага, Макара Краўцова, Юркі Лявоннага, Валерыя Маракова, Леапольда Родзевіча, Казіміра Сваяка, Юлія Таўбіна, Валянціна Таўлая, Паўлюка Труса, Сяргея Фаміна, Уладзіміра Хадыкі, Міхася Чарота.
Творчасць аб'ядноўвае не толькі гістарычны перыяд, але таксама інтэлігентнасць і тонкі псіхалагізм у выяўленні пачуццяў. У кнігу ўвайшлі як хрэстаматыйныя, так і менш вядомыя творы, вартыя пільнай увагі аматараў паэтычнага слова.

«Душа мая тужлівая...» — своеасаблівая анталогія паэзіі 20—30-х гадоў мінулага стагоддзя. Лёс пятнаццаці паэтаў, творы якіх увайшлі ў гэтую кнігу, амаль аднолькавы — яркі, адметны прыход у літаратуру, жаданне мастацкім словам данесці свае думкі, перажыванні... Выхад у свет паэтычных кніг... I амаль аднолькавы трагічны лёс чакаў іх наперадзе... Паэзія А. Дудара, У. Жылкі, Ю. Лявоннага, Ю. Таўбіна і іншых, вытрымаўшы выпрабаванне часам, будзе цікавая і сённяшняму чытачу.

У аднатомнік увайшлі лепшыя творы (вершы, паэмы, празаічныя творы, лісты да сяброў і блізкіх) выдатнага беларускага паэта-лірыка Паўлюка Труса (1904—1929). Акрамя вядомых ужо чытачу, у кнізе змешчаны і творы, знойдзеныя ў архівах і кнігасховішчах. Гэта — чатырнаццаты том «Беларускага кнігазбору».

Беларуская паэзія 20–30-х гадоў.

Паўлюк Трус (1904 - 1929) - найбольш самабытны паэт паслярэвалюцыйнага, "маладнякоўскага" пакалення нашай роднай літаратуры. За дваццаць пяць гадоў жыцця выхадзец з народнай гушчы змог стварыць цікавыя, усхваляваныя вершы і паэмы, у якіх услаўляюцца новая ява, веліч заваёў Кастрычніка.