Сакатала бочачка

Традыцыйная культура беларусаў складаецца з розных складнікаў – светагляду, фальклору, традыцыйнай гаспадаркі, кухні і многіх іншых. Сярод іх ёсць і гэты складнік, пра які апавядае кніга Кухмістра Верашчакі. Гэтую тэму раней практычна ніхто не даследаваў, хіба што толькі ў кнігах пра ежу і стравы можна было прачытаць асобныя рэцэпты налівак.

Якія алкагольныя напоі пілі нашыя продкі? Што можна лічыць нашымі традыцыйнымі трункамі? Большасць беларусаў наўрад ці адказала б на гэтыя пытанні. Адсюль паўставалі розныя непраўдзівыя легенды, напрыклад, пра тое, што крамбамбуля – гэта традыцыйны беларускі напой. У выніку ў беларускіх крамах з’явіўся гэты трунак у продажы пад знакам вяртанне беларускай традыцыі. І больш таго, нават з’явіўся рок-гурт “Крамбамбуля” на чале з Лявонам Вольскім. Але…

Заўжды радуюсь, калі сустракаю добрыя і цікавыя выданні па культуры паўсядзённасці. Асабліва калі гэта тычыцца родных мясцін. "Сакатала бочачка" ў гэтым сэнсе сапраўдны падарунак, бо алкагольную тэматыку я вельмі люблю і ў практыцы (добрай якасці і ў добрай кампаніі), і ў тэорыі, а кніг пра спіртныя напоі і культуру іх спажывання выдаецца ўсё ж няшмат.

Выданне хочацца ўхваліць, перш за ўсё, за знешні выгляд, бо кніга атрымалась прыемная ва ўсіх адносінах - добры шрыфт, сціплая прыгажосць, малюнкі суадносна тэме. Калі чапляцца, дык хацелася б бачыць больш аўтэнтычных гравюр і іншых выяў, але гэта не надта істотна. Змест таксама адпавядае чаканням. Аўтар досыць цікава распавядае крыху пра гісторыю вядомых беларускіх напояў (піва, старка, пітны мёд, крупнік, розныя наліўкі), крыху пра…