Дрэва Энталіпт

Партфоліа на фоне традыцыі

Анка Упала. “Дрэва Энталіпт” Апавяданні, вершы. “Логвінаў”, 2012.

У літаратурным працэсе, даруйце мне банальнасць, усё як у жыцці. Старэйшае пакаленне глядзіць на маладзейшае і прыгадвае: “А вось у наш час…” І ў чымсьці яны маюць рацыю: той іншы час – быў, час, калі стваралася Вялікая Традыцыя, калі пры наяўнасці таленту быў карацейшым шлях ад пачаткоўца да класіка, калі пісьменнік быў не проста аўтарам тэкстаў, але ўплывовай і заможнай асобай.

Той час мінуў, і ў беларускім літаратурным працэсе вырасла пакаленне ўнукаў і праўнукаў, якія хочуць пісаць сваё і ў гэтым сваім расстаўляць сцяжкі-пазнакі для Вялікай Традыцыі: “Я – ваш, мы з вамі адной крыві, але я адначасова і іншы”.

Павага да старэйшых і прызнанне іх аўтарытэту – норма любой чалавечай супольнасці, што…