Эйвар Эрн Йоусефссон0.0 Ísland var land tækifæranna í augum Mareks Pawlak. Hér ætlaði hann að hefja nýtt líf ásamt unnustu sinni og bróður, réttu megin laganna og laus við alla fortíðardrauga. Hann fór að vinna í byggingabransanum – en sá svo ný tækifæri sem hann gat ekki með góðri samvisku látið ónotuð.
Líkt og Marek var Daníel Marteinsson í byggingabransanum, þótt á öðrum forsendum væri. Á undraskömmum tíma varð hann einn ríkasti maður landsins, svellkaldur útrásarvíkingur sem baðaði sig í kastljósi fjölmiðla og aðdáun almennings jafnt sem ráðamanna.
Haustið 2008 reynist örlagaríkt. Andrzej, bróðir Mareks, finnst myrtur og stórkostleg spilaborg Daníels og útrásarvina hans hrynur, með skelfilegum afleiðingum fyrir alla íslensku þjóðina. Þegar illa útleikið lík Daníels finnst í hálfkláruðu risaeinbýlishúsinu (sem hann var að reisa í stað þess sem hann lét rífa) reynist því enginn skortur á grunuðum...
Rannsóknarlöggurnar Katrín, Guðni, Árni og Stefán finna fljótlega tengsl á milli þessara gjörólíku manna – en hvort þau skipta einhverju máli er svo allt annar handleggur.
Arnaldur Indriðason0.0 Í snyrtilegri íbúð í Þingholtunum í Reykjavík finnst fáklæddur ungur maður liggjandi í blóði sínu. Engin merki eru um innbrot eða áflog en óminnislyf í jakkavasa vekja grunsemdir um illar fyrirætlanir og undir rúmi leynist fjólublátt kvenmannssjal með sterkri og framandlegri lykt. Vísbendingarnar leiða lögregluna fljótlega á slóð dulins ofbeldis og hrottalegra sálarmorða, harma sem aldrei verður hefnt til fulls.
Erlendur tekur sér frí í þessari bók en aðrir í lögguteymi hans rannsaka málið.
Yrsa Sigurðardóttir4.0 Ekkert samband næst við tvo Íslendinga í einangruðum rannsóknarbúðum á Norðaustur Grænlandi. Þóra Guðmundsdóttir lögmaður, sem lesendur þekkja úr fyrri bókum Yrsu Sigurðardóttur, tekur þátt í leiðangri sem gerður er til að kanna aðstæður. Hvað varð um mennina tvo? Hver voru örlög konu sem hvarf úr búðunum nokkru áður? Af hverju hafa heimamenn illan bifur á þessu afskekkta svæði? Hvaða óhugnanlegu atburðir hafa átt sér stað þarna úti í auðninni? Yrsa Sigurðardóttir í sínu besta formi!
