Геннадий Буравкин — о поэте

Предложить изменения

Лепшыя свае кнігі Генадзь Бураўкін напісаў напрыканцы свайго жыцця. Ён і сам аднойчы ў інтэрв’ю мне аб гэтым прызнаўся. Адна з такіх найбольш удалых кніг – зборнік “Лісты да запатрабавання”.

Літаратуразнаўцы любяць акрэсліваць этапы творчасці паэта, вызначаючы яго “залатую пару”, калі на паэта сыходзіла найвышэйшае творчае азарэнне і натхненне. З Генадзем Бураўкіным тут, на маю думку, усё навідавоку. Яшчэ ў 90-х гадах, калі ён быў поўны сілаў і планаў у справе нацыянальнага будаўніцтва, яго адсунулі ад дзяржаўных пасадаў і выправілі на пенсію. Адзіным, чым мог дапамагчы паэт і дзяржаўны дзеяч Бураўкін свайму народу, – заставалася яго паэтычнае слова. І паэт нястомна пісаў, звяртаючыся ў сваіх вершах і да сучаснікаў, і да нашчадкаў. У загалоўным вершы кнігі ён прызнаецца, што кожны дзень…

Гэтая кніга - бадай адзін з самых адметных зборнікаў паэзіі 10-х гадоў ХХІ ст. І не толькі таму, што ён аб’яднаў апошнія вершы славутага майстра паэтычнага слова Генадзя Бураўкіна. Сама кніга, а дакладней гісторыя яе стварэння, ужо сталася легендай. Кнігу ўклаў Сяргей Шапран. Генадзь Мікалаевіч папрасіў яго падрыхтаваць да друку і выдаць гэты зборнік як мага хутчэй. “Я хачу на ўласныя вочы пабачыць сваю апошнюю кнігу,” – сказаў Бураўкін Шапрану і дадаў, што на ўсё пра ўсё яны маюць толькі два тыдні.

Праблема палягала ў тым, што вершы былі запісаныя ў двух нататніках і іх спачатку трэба было расчытаць і набраць на кампутары, затым зрабіць макет, вычытаць кнігу рэдактару і карэктару і нарэшце надрукаваць. Усю гэтую справу сябры Бураўкіна зрабілі за адзін тыдзень. І прынеслі надрукаваную…