Последние издания книг Ивана Яковлевича Науменко

У кнігу народнага пісьменніка Беларусі Івана Навуменкі (1925 — 2006) увайшлі аповесці і адпавяданні, любімыя многімі пакаленнямі чытачоў.

У гэта зборнік увайшлі творы для чытання ў 6 класе Івана Навуменкі, Алеся Пальчэўскага і Андрэя Федарэнкі.

У дзясяты том Збору твораў народнага пісьменніка Беларусі Івана Навуменкі (1925 - 2006) увайшлі п’еса «Птушкі між маланак», вершы, інтэрв’ю, анкеты, выступленні, водзывы на дысертацыі, некралогі, аўтабіяграфія, успаміны, дзённікавыя запісы, лісты.

У дзявяты том Збору твораў народнага пісьменніка Беларусі Івана Навуменкі (1925–2006) увайшлі літаратуразнаўчыя працы "Вінцэнт Дунін-Марцінкевіч", "Змітрок Бядуля", "Максім Багдановіч" і "Ранні Кузьма Чорны (1923–1929)".

У восьмы том Збору твораў народнага пісьменніка Беларусі Івана Навуменкі (1925—2006) увайшлі літаратуразнаўчыя працы «Янка Купала» і «Якуб Колас: Духоўны воблік героя».

У сёмы том збору твораў народнага пісьменніка Беларусі Івана Навуменкі (1925-2006) увайшла аповесць "Капитан Степь уходит в разведку", напісаная разам з Віктарам Мамантавым, а таксама раманы "Летуценнік" і "Асеннія мелодыі".

Народны пісьменнік Беларусі Іван Навуменка лічыцца буйным «ваенным» раманістам. Тым цікавей звярнуцца да яго лаканічных «побытавых» аповесцяў. Тры аповесці - «дзіцячая» «Вайна каля Цітавай копанкі», лірычныя «Інтэрнат на Нямізе» і «Развітанне ў Кавальцах» - фіксуюць унутраную біяграфію часу, пераменлівы малюнак жыцця трох перыядаў: перадваеннага, пасляваеннага і амаль сучаснага. Тое ж датычыць і апавяданняў: рамантыка «Сямнаццатай вясны» зменіцца песімізмам «Старавіленскага тракту». Усе творы зборніка цікавыя праекцыяй на сённяшняга чалавека і грамадства, якія ў значнай ступені - працяг і вынік учарашняга.

У шосты том Збору твораў народнага пісьменніка Беларусі Івана Навуменкі (1925-2006) увайшлі раманы "Сорак трэці" і "Смутак белых начэй", напісаныя ім у 1970-я гг.

У чацвёрты том Збору твораў народнага пісьменніка Беларусі Івана Навуменкі ўвайшлі аповесці, напісаныя ім у 1991-2000 гг.: Трылогія "Дзяцінства" (1991), "Падлетак" (1993), "Юнацтва" (1994), аповесці "Вір" (1997), "Дзясяты клас" (1998), "Помні Сталінград" (2000)".

У 3 том Збору твораў Івана Навуменкі ўвайшлі аповесці "Вайна каля Цітавай копанкі" (1957), "Пераломны ўзрост" (1958), "Бульба" (1964), "Трымценне дубовага лісця" (1965), "У бары на світанні" (1971), "Развітанне ў Кавальцах"(1974), "Апошняя восень" (1975), "Замяць жаўталісця" (1976), "Інтэрнат на Нямізе" (1978), "Любімы горад" (1996). Прааналізаваны часопісныя першапублікацыі згаданых твораў, іх аўтарскія машынапісныя варыянты з рэдактарскімі праўкамі, публікацыі ў перыёдыцы і зборніках (у першую чаргу прыжыццёвых). Выяўлены варыянты тэкстаў аповесцяў, прааналізаваны іх мастацкія асаблівасці і шляхі творчага ўдасканалення мастацкага вобраза.…

У кнізе змешчаны апавяданні, напісаныя пасля 1972-га года, значная частка якіх раней у Зборы твораў не ўключалася. Тэксты 24 апавяданняў давялося ўзнаўляць па архіўных матэрыялах, бо пры жыцці аўтара яны не друкаваліся. Пры распрацоўцы матэрыялаў былі адсочаны і прааналізаваны змяненні, якія ўносіліся І. Навуменкам у тэксты пры перавыданні твораў, істотныя праўкі адзначаны ў большасці апавяданняў. Зафіксаваныя змяненні дазволілі выразна азначыць напрамкі работы аўтара з тэкстамі ўласных твораў, удакладніць прынцыпы асэнсавання І.Я. Навуменкам жыццёвых рэалій. На падставе вывучэння літаратуразнаўчых матэрыялаў вызначаны творы, дзе змяненні першапачатковай аўтарскай задумы адбыліся ў выніку пазалітаратурнага ўмяшальніцтва; для падмацавання падобных дапушчэнняў праведзена тэксталагічная апрацоўка адпаведных тэкстаў.

У першы том увайшлі апавяданні і нарысы Івана Навуменкі, напісаныя ў 1946 – 1972 гадах.

У кнігу ўвайшлі творы народнага пісьменніка Беларусі Івана Навуменкі, уключаныя ў праграму па беларускай літаратуры для агульнаадукацыйных устаноў.
Рэкамендуюцца навучэнцам агульнаадукацыйных устаноў для абавязковага вывучэння і пазакласнага чытання.

Трылогія народнага пісьменніка Беларусі Івана Навуменкі апавядае пра жыццё, сталенне, развіццё асобы звычайнага местачковага хлопца Васіля Войціка. Галоўны герой паказаны аўтарам ва ўмовах нялёгкага перадваеннага жыцця, потым у драматычных, нават трагічных абставінах вайны.

Раман "Сасна пры дарозе” – першая кніга трылогіі вядомага пісьменніка , куды ўваходзяць раманы: "Сасна "Пры дарозе”, "Вецер у соснах” і "Сорак трэці”.
У трылогіі праўдзіва паказаны барацьба партызан і падпольшчыкаў на палескай зямлі супраць фашысцкіх захопнікаў. Героі твора – хлопцы і дзяўчаты, на долю якіх выпалі цяжкія выпрабаванні. Застаўшыся пад акупацыяй, Міця Птах і яго сябры ствараюць падпольную групу без якога-небудзь кіраўніцтва зверху, адчуваючы сваю асабістую адказнасць за будучае, за лёс роднай зямлі.

Трылогія народнага пісьменніка Беларусі Івана Навуменкі апавядае пра жыццё, сталенне, развіццё асобы звычайнага местачковага хлопца Васіля Войціка. Галоўны герой паказаны аўтарам ва ўмовах нялёгкага перадваеннага жыцця, потым у драматычных, нават трагічных абставінах вайны.

Раман «Сорак трэці» завяршае вядомую трылогію пісьменніка, куды ўваходзяць яшчэ два раманы: «Сасна пры дарозе» і «Вецер у соснах».
Пісьменнік расказвае пра ўсенародны партызанскі рух на палескай зямлі, які дасягнуў свайго апагея ў сорак трэцім годзе. У рамане чытач сустрэнецца і са знаёмымі героямі, характары якіх атрымалі далейшае развіццё, і з новымі.