Последние издания книг Змитрока Бядули

Змітрок Бядуля (сапр. Шмур Плаўнік) (1886 - 1941) - класік беларускай літаратуры, габрэй з паходжання. Аўтар адметных паэтычных твораў, у тым ліку лірычных імпрэсій і абразкоў.

Серыя «Кнігі нашага дзяцінства» папоўнілася зборнікам твораў яшчэ аднаго класіка беларускай літаратуры. Выданне «Змітрок Бядуля. Казкі» адкрываецца творам з назвай «Скарб», якая добра пасуе да ўсёй самой кнігі. Невялікая па аб’ёме – усяго на чатыры казкі – кніга заклікана заваражыць, зачараваць чытача, які робіць першыя крокі ў свеце беларускай літаратуры, а чытачу дасведчанаму падорыць дотык да почырку двух беларускіх талентаў: літаратурнага і мастацкага. Аздоблена выданне ілюстрацыямі мастачкі Алены Лось з кнігі З. Бядулі «Дзень добры!» 1974 г. выдання, што цешыла не адно пакаленне беларусаў сваёй дасканаласцю. Адным словам, сапраўдны скарб! «Куфэрак» жа – кніга, якая гэты скарб захоўвае, – мае і каштоўны дадатак. Пад вокладкай, як пад вечкам, – кароткі інфармацыйны артыкул «Ад Ясакара да Бядулі», у якім пададзены асноўныя біяграфічныя звесткі пра Змітрака Бядулю. На «донцы», у канцы кнігі, – сюрпрыз: фотаздымак мастачкі Алены Лось, а таксама асноўныя звесткі пра яе. Гэтыя дадаткі палегчаць працу бібліятэкараў, педагогаў ды і кожнага дарослага, які намерыцца падрыхтаваць тэматычныя заняткі альбо возьмецца чытаць і абмяркоўваць кнігу разам з дзецьмі. Кніга З. Бядулі «Казкі» – цудоўны падарунак чытачам. Яна як нітачка з чароўнага казачнага клубочка – праз узорнае мастацкае слова і дыхтоўнае аздабленне пракладае сцежачку з мінулага ў сучаснасць, нітуе ўчарашні і сённяшні дзень у палатно будучыні. Выданне мае зручны фармат, лёгкае – таму не абцяжарыць заплечнік школьніка. Мае адзіны недахоп – прачытваецца на адным дыханні і хутка заканчваецца. Але гэта, будзем спадзявацца, паслужыць нагодай для наступнага візіту ў бібліятэку. Укладанне кнігі і падрыхтоўка інфармацыйных звестак здзейснены пісьменніцай Аленай Масла.

11 том. У кнігу ўвайшлі творы класікаў беларускай літаратуры - Зміт­рака Бядулі і Янкі Маўра. Творчасць пісьменнікаў аб’ядноўвае не толькі агульны гістарычны перыяд, але і зварот да «дзіцячай» тэмы, інтэлігентнасць і тонкі псіхалагізм у выяўленні пачуццяў герояў.
Зборнік адрасуецца шырокаму колу чытачоў, якія цікавяцца літаратурай і культурай Беларусі.

У кнігу класіка беларускай літаратуры Змітрака Бядулі (1886—1941) увайшлі казкі, любімыя многімі пакаленнямі чытачоў.

Выдатны беларускі пісьменнік Змітрок Бядуля стаў адным з дзеячоў нацыянальнага Адраджэння. Ён меў схільнасць да імпрэсіяністычнага бачання быцця. Часам у ягоных творах праглядаюцца містыка і праявы сусветнае тугі. За савецкім часам Бядуля напісаў гістарычную аповесць-казку «Салавей», у якой чытаецца прыхаванае непрыманне таталітарнага рэжыму. Літаратурная казка «Сярэбраная табакерка» - адзін з першых беларускіх твораў у жанры фэнтэзі.

Кнігу Змітрака Бядулі (1886—1941) склалі абразкі, мініяцюры, апавяданні розных гадоў і найбольш вядомая яго аповесць «Салавей».

Кнігу Змітрака Бядулі склалі абразкі, мініяцюры, апавяданні розных гадоў. Творы пісьменніка вызначаюцца глыбокай лірычнай праніклівасцю, высокамастацкім адлюстраваннем унутранага свету чалавека.

Апошні твор Змiтрака Бядулi - класiка беларускай лiтаратуры - аповесць-казка `Сярэбраная табакерка` (1940). У час Вялiкай Айчыннай вайны дом письменнiка згарэў, згарэлi ўсе яго рукапiсы i толькi нейкi цуд - iнакш не скажаш - выратаваў ад гiбелi "Сярэбраную табакерку". Упершыню яна цалкам была надрукавана толькі ў 1953 г. і стала любімым творам многіх пакаленняў беларусаў. У аснову сюжэта гэтай цудоўнай аповесці ляглі матывы народнай казкі пра тое, як дудар-паляшук паланіў смерць, запазычаныя з фальклорных запісаў А. Сержпутоўскага. Але з народнай казкі пісьменнік зрабіў філасофска-павучальную прытчу аб барацьбе дабра і зла, жыцця і смерці. Аповесць-казку "Сярэбраная табакерка" можна лічыць духоўным тэстаментам пісьменніка нашчадкам.

У гэтым аднатомніку сабрана ўсё самае значнае, што было створана адным з пачынальнікаў новай беларускай літаратуры, літаратуры ХХ стагоддзя Змітраком Бядулем (1886—1941) — яго лепшыя вершы, аповесці, апавяданні, публіцыстычныя артыкулы, лісты. Прывабны вобраз беларускага класіка, габрэя па паходжанні, добра дапаўняюць успаміны яго брата Мацвея Плаўніка і Уладзіславы Луцэвіч, жонкі Янкі Купалы.
Трыццаць пяты том кніжнага праекта «Беларускі кнігазбор».

Старонкі аповесці 3. Бядулі (1886—1941) "Салавей" вяртаюць нас у мінулае нашай бацькаўшчыны. Пісьменнік гістарычна праўдзіва намаляваў карціну жыцця сялянства ў тую змрочную пару — у час прыгону: звярыную жорсткасць паноў, іх пагарду да ўсяго беларускага — да імён, да мовы, да нацыянальнай культуры. Але ніякія катаванні не маглі заглушыць народныя таленты,…