Har du lyst å vite meir om skriveskolar? Korleis dei arbeider og kvar dei er å finne? Lurer du på a) kva som eventuelt skil undervisning i språk og litteratur i skolen frå undervisning i skapande skriving, eller b) kva som eventuelt skil undervisning i creative writing frå forfattarutdanninga? Saknar du ei historisk framstilling av bakgrunnen for creative writing og forfattarutdanninga – når starta det, og kva var drivkrafta?
Då er dette ei bok for deg!
Eldrid Lunden (f. 1940), tidlegare leiar av Forfattarstudiet i Bø ved Høgskolen i Telemark, forsøker her å gi ein del svar på desse spørsmåla, og etterlyser mellom anna ein opnare dialog mellom kunstfag og allmennfag.
